2017
Llázaro de Tormes
Carlos Alba
Estrenada nel Teatru Xovellanos de Xixón el 18 d'ochobre de 2012, Llázaro de Tormes ye una adaptación al asturianu de la novela La vida de Lazarillo de Tormes y de sus fortunas y adversidades que busca caltener el fondu popular y folclóricu del orixinal. Llázaro de Tormes, que nel momentu de la representación ye pregoneru de los vinos del Arcipreste de San Salvador, cunta les sos “picardíes” cola cuenta de xustificar la so vida y fai de camín una semeya coñona de la sociedá de la dómina. La comicidá y la complicidá col públicu tán presentes nel montaxe, ensin desdexar la calidá lliteraria del testu.
2018
Hansel y Gretel
Higiénico Papel
Tres primos vuelven a alcontrse nel vieyu someráu de casa de los güelos. Ente los sos vieyos peluches y una montonera de trastes rotos, atopen los llibros que’l güelu-yos lleía cuando yeren pequeños, ente los que’l so favoritu yera “Hansel y Gretel”.
Anque que pasaron munchísimos años dende entós, los tres recuérdenlu perfectamente y relleéndolu van disfrutar como si entá fueran aquellos guaḥes d’antaño.
Disfrútala en casa: https://www.rtpa.es/video:Hansel%20y%20Gretel_551651690276.html
2019
Les rellaciones peligroses
Factoría Norte
Les rellaciones pelligroses ye un cóctel explosivu que xunta drama, humor y pedagoxía p’asoleyar el mou como afronta la mocedá d’anguaño los peligros del mundu de les nueves tecnoloxíes y les redes sociales, del aniciu a la so vida sexual , de los prexuicios en torno a la identidá de xéneru de les persones. Tres el españíu desti cóctel xurdirán de xuru munches entrugues, que ye el camín pa atopar respuestes y nunca cayer nes rellaciones peligroses
2020
El viaxe de Covaletti
Higiénico Papel
L’empleáu d’una gasolinera nun llugar mui a desamano pasa munchu tiempu solu, pero con ayuda de los llibros y el poder de la imaxinación, va facer un viaxe a un país remotu d’Hermetia onde va vivir les aventures d’un mozu llamáu Covaletti. Esta obra, que ye un cantu al valor de la llectura y la fantasía, ta dirixida al públicu d’ente 6 y 12 años y nella sobresal el trabayu inmensu d’un actor solu pa dar vida a tolos personaxes.
Disfrútala en casa: https://www.youtube.com/watch?v=EZxE1nsj8gE
2021
La reina de la Guapura de Leenane
Nun Tris
La reina la guapura de Leenane ye un drama sobre la soledá, la sinceridá y les relaciones ente les persones y la familia, y qu'amuesa como munches veces repitimos los erros y fracasos de los que vinieron primero que nós. Na Irlanda rural de los años 80, contestu de violencia y crisis idiomática ya identitaria, Maureen, la protagonista, caltién una relación percomplicada cola madre. Ella tien 40 años y ye virxe, la madre, Mag, ye prácticamente una inválida, anque según la so fía, desaxera los sos problemes. Una cenciella invitación pa dir a una fiesta va camudar el destín de dambes.
Esta obra de Martin McDonagh, llegó a Asturies depués d’estrenase n’Irlanda y de representase triunfar per tol mundu, incluyendo los escenarios más importantes de Londres y Nueva York.
