N’ochobre llega’l de nuevo’l Festival Nel Amaro con una programación pa tolos públicos, especialmente pa neños y neñes.

¡Ven en familia a disfrutar del meyor teatru n’asturianu!

Esperámosvos nel Teatru Filarmónica d’Uviéu a los vienres 7, 14, 21 y 28 a les 18:00.

La entrada ye llibre y gratuita.

Sobre’l festival

    
Nel añu 2017, la Dirección Xeneral de Política Llingüística decidió fundar un premiu pa impulsar el teatru profesional nes llingües propies d’Asturies. Esti premiu, amás, había dir vinculáu a un festival onde’l públicu pudiere ver representaes les obres candidates.

De la mesma manera, decidióse dedicar el premiu y festival a la figura de Nel Amaro, como autor fundamental na renovación del teatru asturianu y la so incorporación a la época contemporánea, más p’allá de los márxenes estrechos del teatru costumista nos qu’hasta’l momentu se movía l’actividá escénica en llingua asturiana.

Dende entós, a esti premiu puen presentase compañíes profesionales de teatru con obres yá estrenaes escrites orixinalmente n’asturianu o gallego-asturianu o eonaviegu, o traducíes d’otres llingües.